Ақтоғай ауданының Жалаулы ауылында алдағы екі жылда ауқымды жобалар қолға алынбақ. Бүгінде бұл жұмыстардың бірқатары басталып кетті.
Мәселен, Жалаулы ауылдық округіне қарасты Балтасап ауылында келесі жылы 540, 2 млн теңгеге орталық су құбырының құрылысы басталады. Қазіргі уақытта жобалық-сметалық құжаттама әзірленіп, салалық министрлікке бюджеттік өтінім жолданды.
Одан бөлек, «Ауылдық денсаулық сақтауды жаңғырту» ұлттық жобасы аясында 2023-2025 жылдары аталған елді мекенде медициналық пункт салу жоспарланған.
Ал 2026 жылы Жалаулы ауылында дене шынықтыру-сауықтыру кешенін салу үшін жобалық-сметалық құжаттама әзірлеуге және қаражат бөлу жоспарланған. Сондай-ақ, Балтасап ауылында жасанды жабыны бар шағын футбол алаңының құрылғыларына қаражат қарастырылады.
А.БОРАНБАЕВА.