Жаңатап ауылындағы жеңілдетілген су құбырының құры-лысы аяқталды. Ал жасанды жабындысы бар шағын футбол алаңын салу жұмыстары өз мерзімінде орындалмағандықтан мердігермен келісімшарт біржақты тәртіппен бұзылды.
Бұған дейін аталған жұмыстар аясында 7,5 млн теңгеге «Wealth» жеке кәсіпкерімен келісімшарт жасалған болатын. Енді осы жылы бұл мақсатқа 15 млн теңге көлемінде қаражат бөлу жоспарланып отыр.
Сонымен қатар, облыстық бюджеттен бөлінген бонус трансферттері есебінен Мүткенов елді мекеніндегі ауылішілік Қазақстан және Ертіс көшелерінің 1,8 шақырым жолына қиыршықтас төсеу арқылы орташа жөндеу жұмыстары аяқталды. Жұмыстардың жалпы құны 17,9 млн теңгені құрады. Мердігер – «КазахКоммерц» кәсіпорны.
Одан бөлек, Мүткенов және Қ.Нығманов атындағы орта мектептердің 2 қазандығы және Әбжан ауылындағы білім ордасының 1 қазандығы мен жылыту жүйесіне ағымдағы жөндеу жұмыстары жүргізілді.
А.БОРАНБАЕВА.