Жуырда Ақтоғай ауданының бюджетінен Басқамыс, Шұға, Балтасап және Жаңатап ауылдарындағы шағын футбол алаңдарын салуға қаражат бөлінді. Спорттық нысандардың құрылысы биыл басталып, жыл соңына дейін аяқталмақ.
Ақтоғай ауданының әкімі Қаршыға Арынов таяуда жұмыс сапарымен аталған елді мекендерге барып, шағын футбол алаңдары орналастырылатын учаске-лермен танысты. Кейін ауылдық округтердің әкімдеріне тұрғындардың пікірін ескере отырып, учаскелерді азаматтар жиынында бекітуді және хаттамалар дайындауды тапсырды. Сондай-ақ, Т.Бигельдинов, Естай және Шідерті орта мектебінде болып, білім ордаларын-дағы жылыту маусымының жағдайын тексерді.
Одан бөлек, аудан басшысы Қараоба елді мекеніндегі дене шынықтыру-сауықтыру кешенінің құрылыс нысанында болып, жұмыс барысымен танысты. Бүгінде жұмыстар аяқталуға жақын. Қазіргі уақытта кешенде желдету және жылу жүйесін орнату жұмыстары аяқталды. Құрылысқа жауапты мердігер барлық жұмысты қаңтар айының соңына дейін аяқтауға уәде берді.
А.БОРАНБАЕВА.