Ертіс ауданында ауыл спортының болашағы үшін жас спорт-шыларды қолдап жүрген жомарт азамат көп. Солардың қата-рында танымал кәсіпкер, аудандық мәслихаттың депутаты Мұрат Абдалинов те бар.
Мұрат Қайыргелдіұлы — №4 Ертіс мектебінің жас спортшыларын талай жылдан бері аудандық, облыстық және республикалық жарыстарға қатысуына демеушілік жасап келе жатқан азамат. Жуырда Май ауданында 2010-2012 жылдары туған жасөспірімдер арасында баскетболдан облыстық жарыс ұйымдастырылды. Бұл додаға жергілікті спортшылар Мұрат Қайыргелдіұлының көмегімен бақ сынап, жеңіс тұғырынан көріне білді. Байрақты бәсекеде Ертіс ауданының спортшылары Павлодар, Ақсу қаласының баскетболшыларынан кейін жүлделі үшінші орынға ие болды. Оқушылар спорт жарысына қатысуға мүмкіндік берген кәсіпкерге ризашылықтарын білдірді.
Алтынай ДЕМЕСІНОВА.