Калиновка ауылында өткен жылы «Ауыл — ел бесігі» бағдар-ламасы аясында біршама ауқымды жұмыстар атқарылды. Бірқатар әлеуметтік нысан жөндеу көрді. Балалар алаңы мен футбол алаңы салынды.
Міне, осы алаңдардың қыстан аман шығып, көктемгі қар суынан бүлінбеуі үшін округ әкімдігі қардан тазартып, балалардың жазда алаңсыз асыр салуына жағдай жасауда. Қалалық мекендерде қар толығымен кеткенімен, ауылдық жердің көлеңкелі тұстарында әлі де ақ ұлпа жатыр. Ауылдық округ әкімі Санжар Рыспеков қар суы алаңдарға төселген жасанды жабындыларды бүлдіріп кетпесін деп әрекетке көшкен. Жұмыссыздар тізімінде тұрған ауылдастарымен бірлесіп, әкімдік қызметкерлері ауыл ішін ретке келтіруді қолға алған. Ауылдықтар балалардың игілігіне берілген тартудың ұзақ уақыт қызмет еткенін қалайды. Сондықтан тазалықпен қатар ұқыптылық танытуды жөн санайды.
Г.МАҒЖАН.