Төтенше жағдайлар бөлімінің мамандары әлеуметтік тұрғыдан аз қамтылған отбасылардың үйіне барып, улы газдың таралуынан қорғайтын датчиктерді тегін орнатуда.
Аудандық төтенше жағдайлар бөлімінің аға инженері Медияр Әдепов мұндай жұмыс тұрғын үйлерде қызыл жалынның алдын алу үшін қолға алынғанын айтады.
— Төтенше жағдайлар бөлімінің қызмет-керлері полиция инспекторлары және ауылдық округ әкімдіктерінің мамандарымен бірлесіп, тұрғындар арасында профилак-тикалық шараларды жиі жүргізеді. Жақында көпбалалы отбасылар, мүмкіндігі шектеулі жандар мен зейнеткерлердің үйін аралап, өрт қауіпсіздігін сақтау ережесін түсіндірдік. 7 отбасының үйіне улы газдан дыбыс беретін датчик қондырғысын орнаттық. Бұл бағыттағы жұмыс жалғасатын болады, — дейді М.Әдепов.
А.АСҚАРҚЫЗЫ.