Павлодар қаласында облыста тұратын этностардың мәдениеті мен дәстүрлерін насихаттайтын «Бір шаңырақ астында» жазғы фестивалі жыл сайын ұйымдастырылады. Осы жолы «Полония» поляктар қоғамы өзінің мерекелік бағдарламасын ұсынды.
Биыл «Полония» поляктар қоғамы үшін ерекше жыл. Себебі, аталған ұйым осы жылы өзінің 30 жылдығын атап өтуде. Фестиваль барысында осы жылдың маңызды әрі жарқын оқиғалары еске алынды.
— Фестивальге еліміздің әр өңіріндегі поляк этномәдени бірлестігінің өкілдері қатысты. Олар шара барысында ұлттық мәдениеті мен әдет-ғұрыптарын таныстырды, — дейді «Полония» этномәдени бірлестігінің төрағасы Ольга Деркульская.
Биылғы жылдың тағы бір маңызды оқиғасы — «Полонияның» барлық мүшесі арасында поляк тіліндегі оқырмандар байқауы болды. Қ.Даржұман атындағы ұлттық жаңғыру мектебінің тәрбиеленушілері де өз талант-тарымен жарқырай алды. Кіші жас санатындағы «Поэзия дауысының» жеңімпазы Дмитрий Шилов конкурстық шығарманы оқыды.
«Полония»-ның шығармашылық ұжымдары да мерейтойларын атап өтуде. Мәселен, «Нарцыз» жастар вокалдық-хореографиялық ансамблі 15 жылдығын және «Сырэны» әйелдер вокалдық ансамблі 20 жылдығын атап өтті.
Айдана БОРАНБАЕВА.