Республикалық «Таза Қазақстан» экологиялық акциясына шарбақтылықтар белсенді қатысты. Шара барысында ауқымды жұмыстар атқарылды.
Акцияға аудан бойынша 100-ден астам тұрғын атсалысып, табиғатқа деген қамқорлықтарын көрсетті. Олардың қатарында мектеп оқушыларының ерекше белсенділік танытқанын атап өткен жөн, дейді мамандар. Жасөспірімдердің көмегімен 200 дана қарағай отырғызылған. Оқушылар өз қолдарымен арнайы құтыларға қарағай тұқымдарын егіп, болашақта олардың ну орманға айналатынына сенім білдірді.
Шараны ұйымдастырушылар еңбекқор балаларға алғыстарын айтып, таза әрі жасыл Қазақстанды бірге құруға шақырды.
Н.АҚЫТЕГІ.