Бұрнағы күні Нағымбек Нұрмұхаммедов атындағы облыстық көркемсурет музейінде суретші Сейсенғали Тіленбаевтың жеке көрмесі ашылды. Көрермен назарына 60-қа жуық жұмыс ұсынылды.
Сейсенғали Тіленбаев 1957 жылы Ақтөбе облысының Шалқар ауылында дүниеге келген. 1991 жылдан бастап Қазақстан Суретшілер одағының мүшесі. Көптеген облыстық және республикалық көрменің қатысушысы. «Тау-Түрген» халықаралық пленэрінің қатысушысы. Шығармалары Павлодар облыстық көркемсурет мұражайының қорында, Қазақстан, Ресей, Германия, Швейцария және т.б. елдердің музейлері мен жеке коллекцияларында сақталған. С.Тіленбаев түрлі жанрларда жұмыс істейді. Мәселен, пейзаж, портрет, сюжеттік кескіндеме. Сүйікті мотивтер – Ертіс өңірі мен Баянауылдың ландшафтары. Бұл жерлердің суреттері реакцияның жеделдігімен және ерекше эмоционалды түсімен ерекшеленеді. Алайда түпкілікті кескіндеме шешімдерінің алдында мотив пен өрнек құралдарын іздеудегі ауыр жұмыс болады. Ойластырылған қарым-қатынас кескіннің дыбысында тұтастыққа қол жеткізуге көмектеседі. Тіленбаевтың пейзаждық жұмыстарында туған жердің бейнесі адам мен табиғат үйлесімінде қайта жасалады. Оның бейнелеу құралдарының поэтикасы қазақ өнерінің ұлттық дәстүрлерімен тығыз байланысты. Қала пейзаждарында әрқашан адам бар. Портреттерде сурет әрқашан модельге деген сезімтал көзқараспен белгіленеді. Мұнымен Қазақстан Суретшілер одағының мүшесі, суретші Өсербай Шоранов та келіседі.
— Аймағымызға белгілі қылқалам шеберінің суреттері атақты суретші Әбілхан Қастеевтің шығармаларына ұқсас. Өйткені, Сейсенғали Тіленбаев көбінесе қазақ халқының тұрмыс-тіршілігін, табиғатын, салт-дәстүрін бейнелейді. Әсіресе, Баянауылға арнаған суреттері ерекше, — дейді Ө.Шоранов. Суретші тек майлы бояулармен ғана емес, сонымен қатар, су бояуларымен де жұмыс істейді. Оның акварельдері осы күрделі техниканы шебер меңгергендігін көрсетеді. Ол ылғалданған қағазға жазуды ұнатады. Сондай-ақ, жаңашылдықты да қолданады. Мәселен, парафин. Оның үлгісі бояуды қолданғаннан кейін пайда болады. Кескіндеме тәжірибесі суретшіге табиғатты немесе адамды бейнелеп қана қоймай, сезімдердің шынайылығы мен тіршілігін жеткізуге мүмкіндік береді. Аталмыш көрме бір ай жұмыс істейді. Келем деушілерге есік ашық.
Айдана БОРАНБАЕВА.
Суреттерді түсірген – Есенжол Исабек.