Павлодар мен Астана арасындағы жолды қысқартып, барынша жылдам жеткісі келетін азаматтар әуе қатынасын таңдайтыны рас. Мұндай тұрғындар үшін жақсы жаңалық бар. Енді Qazaq Air Астанаға аптасына бес рет қатынайды.
Былтыр наурызда аталмыш компания Павлодар-Астана бағы-тына аптасына төрт рет қатынайтын. Әуе компаниясының жариялаған ұшу кестесіне қарағанда, жолау-шылар сейсенбі және бейсенбі күндері Елордадан 19.50-де отырып, 21.00-де Павлодарға қонады. Бұл ұшақ осы күндері 21.30-да Павлодардан аттанған азаматтар 22.40-та Астанаға табан тірейді.
Жұма күні жолға шығатындар 17.05-те Астанада ұшаққа отырса, 18.15-те Павлодар әуежайына қонады. 18.55-те Павлодардан әуеге көтерілетін ұшақ 20.05-те Астана әуежайында болады.
Сенбі күні Qazaq Air ұшағы Астанадан 8.25-те жолаушыларды алып, 9.40-та Павлодарға жеткізеді. Ұшақ Павлодардан 10.20-да кері қайтады. Яғни, 11.45-те Елорда әуежайына тұрақтайды.
Жексенбі күні әуе кемесі Астанадан 20.20-да шығып, 21.30-да Павлодарға жетеді. 22.00-де Павлодардан аттанатын ұшақ 23.10-да Астана жеріне қонады.
Айта кетейік, бұл рейстер субсидияланады. Нәтижесінде, бір жаққа билет құны 15 000 теңгені құрайды.
Ұшу ұзақтығы – 1 сағат 10 минут. 14 жасқа дейінгі балаларға билет құнына 50 пайыздық жеңілдік жасалады. Қол жүгінің нормасы — 5 келі, ал багаж салмағы – 20 келі.
Г.МАҒЖАН.