Соңғы жылдары ауданның денсаулық сақтау жүйесінде оң өзгерістер орын алуда. Әсіресе, ауылдарда медициналық бөлімшелер жаңарып, тұрғындарға сапалы қызмет көрсетуге мән беріліп отыр.
Күні кеше Қараоба ауылында фельд-шерлік-акушерлік бөлімше күрделі жөндеуден кейін қайта ашылды.
Ақтоғай аудандық аурухана басшы-сының міндетін атқарушы Мадина Сабырованың айтуынша, күрделі жөндеу жұмыстары биыл 18 сәуірде басталған. Жөндеу жұмыстарына облыстық бюджеттен 68 млн теңге қаражат бөлінген.
— Ғимараттың қабырғасы ғана қалып, еденнен бастап төбеге дейін барлығы жаңа кейіпке енді. Нысанда ауыл тұрғындарына қажетті қондырғылармен жабдықталған бөлмелер бар. Енді науқастар аудан орталығына бармай-ақ ауылдың өзінде алғашқы медициналық көмекті ала алады, — деді ол.
Өз тілшіміз.