«Таза Қазақстан» республикалық экологиялық акциясына аудан жастары белсенді қатысуда. Жуырда жастар бастамаларын дамыту орталығының әдіскерлері мен еріктілері жалғызбасты қарттардың үй ауласын күл-қоқыстан тазар-туға жәрдемдесті.
Аудандық жастар бастамаларын дамыту орталығының жетекшісі Мадина Кеңесованың айтуынша, «Добродей» еріктілер клубының мүшелері аудан өміріне белсенді араласып, қайырымды іспен айналысады. Тазалық шарасы аясында аудан орталығындағы ескерткіштер мен саябақтардың да ауласы ретке келтірілген.
— Аудан орталығында өткен акцияға 66 ерікті қатысып, 17 қап қоқысты сыртқа шығарды. Жалғызбасты қариялардың батасына бөленді. Аталмыш шара ауданның барлық елді мекенінде өтуде. Мәселен, Ағашорын ауылының жастары аулаларды тазартып, 30 қап қоқыс жинады. Бұл бағыттағы жұмыс жалғасатын болады, — дейді М.Кеңесова.
А.АСҚАРҚЫЗЫ.