Биыл қазақ әдебиетінің классигі, Мемлекеттік сыйлықтың және «Алаш» әдеби сыйлығының иегері, жазушы Рамазан Тоқтаровтың туғанына — 90 жыл. Ол 1935 жылы Павлодар қаласында туып, 2000 жылы Алатаудың бөктерінде дүниеден озды.
1957 жылы Алматыдағы шет тілдер институтының француз тілі факультетін бітірсе, 1985 жылы Мәскеудегі Әдебиет институтының жоғары курсын тәмамдаған. Еңбек жолын Павлодар облыстық «Қызыл ту» (қазіргі «Сарыарқа самалы») газетінде бастаған. 1958-1960 жылдары «Лениншіл жас» (қазіргі «Жас Алаш») газеті мен «Мәдениет және тұрмыс» (бертіңгі «Парасат») журналында жұмыс істеген. 1964 жылдан Қазақстан Жазушылар одағында әдеби кеңесші, «Жазушы» баспасында аға редактор, бөлім меңгерушісі қызметтерін атқарған.
1989-1997 жылдары респуб-ликалық «Жұлдыз» журналында бас редактордың орынбасары болып еңбек етті. 2000 жылдың 12 желтоқсанында Алматы қаласында қайтыс болды. 2002 жылы Павлодардағы «Баспа үйі» ғимаратына мемориалды тақта орнатылды.
Ол — қазақ әдебиетінде ең көп роман жазған жазушылардың бірі. Рамазан Тоқтаровтың қаламынан «Бақыт», «Ертіс мұхитқа құяды», «Тұлпардың сыны», «Жердің үлгісі», «Ғасыр наны», «Сусамыр», «Таңбалы жарғақтың құпиясы», «Жендет», «Бақытты құлдықтың ақыры», «Абайдың жұмбағы» секілді романдар туған. «Абайдың жұмбағы» үшін Мемлекеттік сыйлыққа ие болды. Бұдан бөлек, халықаралық «Алаш» әдеби сыйлығының иегері. Оның романдары — әдеби ортадан да, оқырман қауымнан да жоғары баға алған кесек дүниелер.
Тілеуберді САХАБА.