Май ауданында жазғы демалыс балалар үшін ерекше қуанышқа толы кезеңге айналды. Биыл ауданның 24 оқушысы жазғы сауықтыру лагерьлерінде демалуға мүмкіндік алды.
Жомарт жандардың қамқорлығының арқасында Ақшиман негізгі мектебінің 2 оқушысы Көкшетаудағы «Чайка» лагеріне жол тартса, Малайсары орта мектебінің 10 оқушысы Бурабайдағы «IQanat» лагерінде демалуда. Ал ата-аналардың қолдауымен тағы 12 оқушы Баянауылдағы «Жасдәурен» сауықтыру лагерінде жазғы демалыстарын мазмұнды өткізді.
Табиғат аясындағы демалыс, қызықты экскурсиялар, спорттық жарыстар, шығармашылық шеберлік сағаттары мен жаңа достық – мұның бәрі балалардың ұмытылмас жазғы естеліктеріне айналды.
А.ЖЕҢІСҚЫЗЫ.
Май ауданы