Ресейдің Ярославль қаласында өткен «Түстердің қуанышты әлемі» атты халықаралық балалар шығармашылығы байқауына Павлодар қаласындағы балалар көркемсурет мектебінің 12 жас қылқалам шеберінің «Достық», «Менің отбасым» және еркін тақырыптағы жұмыстары жолданды.
Байқау қорытындысы бойынша мектептің 7 оқушысы жүлделі орындарға ие болды. Олар екінші және үшінші дәрежелі лауреат дипломдарымен, мадақтамалармен марапатталды.
II орынды 4 қатысушы жеңіп алды. Олардың қатарында Милана Колесникова, Зарина Киня, Адия Игуфарова және Малика Аспан бар. Олардың жетекшілері – Гүлнәр Мұхаметқалина, Александра Ловина-Самошкина, Андрей Солоденко, Дария Батмаева. Ал Аяжан Бопышева «Менің досым» жұмысы үшін 3-орынға ие болды. Жетекшісі – Инна Масленникова.
Мерей Амангелді аралас техникадағы «Екеуі қолшатыр астында» жұмысы үшін, Елизавета Пелих «Гуашь» техникасындағы «Байкал» жұмысы үшін байқаудың дипломанттары атанды.
– Достар тақырыбы балаларға өте жақын. Сондықтан олар жұмысқа үлкен ынтамен кірісті. Балалардың әлемді өз көздерімен көруі ересектерді үнемі таң қалдырады. Бір-бірімізге деген шынайылық, ашықтық, достықтағы адалдық – бізге ересектер, балалар жұмыстары үйретеді, – дейді мектеп педагогы Дария Батмаева.
Ашық түстер, киізден жасалған қаламдар, пастельдер және шеберлік пен дағдылар балаларға тақырыпты толық ашуға көмектеседі.
Оқушылар түрлі деңгейдегі байқауларға қатысуға дайын. Мәселен, Аспан Мәлік облыстық, республикалық және халықаралық байқаулардың бірнеше мәрте жеңімпазы. Ол өткен жылдың қараша айында өткен «Қазақстан – менің болашағым» атты республикалық байқауының жеңімпазы атанды.
А.БОРАНБАЕВА.