Биыл жазда Павлодарда негізгі қалалық кәріз коллекторларының бірі жөнделеді. Жұмыс бірнеше кезеңге бөлінді. Бүгінгі таңда Иса Байзақов көшесінен Назарбаев даңғылына дейінгі учаскеде жөндеу жұмыстары аяқталуға жақын.
Өткен жылы облыс орталығында кәріз жүйесіне ауқымды жөндеу жұмыстары басталған. Атап айтсақ, Абай көшесінің бойындағы 1,5 шақырым құбырлар қалпына келтіру әдісімен ауыстырылды. Жалпы, барлығы 2,5 шақырым құбыр жаңартылуы тиіс. Жобаның жалпы құны 2,5 миллиард теңгеден асады. 2023 жылға шамамен 900 миллион теңге бөлінді. Ағымдағы жылдың көктемінде мердігер компания Толстой көшесіндегі коллекторды қайта құруды бастады.
– Бұл учаскедегі жұмыстар аяқталуға жақын. Асфальтты абаттандыру мен қалпына келтіруді ескере отырып, 15 маусымда мұнда көлік қозғалысын қалпына келтіреміз. Содан кейін жұмысшылар жұмыстың келесі кезеңіне көшеді. Атап айтсақ, Назарбаев даңғылынан Катаев көшесіне дейінгі учаскеде қалпына келтіру жұмыстары жүргізіледі. Жоба 15 шілдеге дейін толығымен аяқталады деп күтілуде, – дейді тұрғын үй инспекциясы бөлімінің басшысы Нұрлан Рашитов.
Сонымен қатар, бөлім басшысы мердігер ұйымның өкілдері жұмысқа кіріспес бұрын кәріз желілеріне мониторинг жүргізгенін атап өтті. Оның сөзінше, алаңдар соңғы бес жылдағы тозу мен апаттың жоғары деңгейін ескере отырып таңдалды.
– Бұл желілер 60-жылдардың соңы, 70-жылдардың басында салынды. Мұнда тозу 85 пайызға жақындайды. Бұрын күрделі жөндеу жұмыстары жүргізілмейтін, тек ағымдағы жөндеу жұмыстары жүргізілетін. Бүгінде жұмыс полимерлі жеңді қолдану арқылы жүзеге асырылады. Мұндай қайта құрудан кейін коллектор тағы 30 жыл қызмет етуі керек, – деді Н.Рашитов.
А.МҰҚЫШЕВ.