«AMANAT» партиясының облыстық филиа-лының мәліметінше, №1 қалалық ауруханасын күрделі жөндеу мониторингі шеңберінде партия өкілдері қайта аралады. Барлық жұмыстар ағымдағы жылдың сәуір айына дейін аяқталуы керек.
Комиссия құрамына Павлодар облыстық филиалының атқарушы хатшысы Айгүл Мәлікова, қалалық филиалдың атқарушы хатшысы Сүлеймен Сыздықов, облыстық мәслихат депутаты Арман Мұсабеков, қалалық филиалдың партиялық бақылау комиссиясының төрағасы Қазбек Аметов, сондай-ақ сарапшы Андрей Даниленко кірді.
Бұған дейін, қаңтар айының басында ҚР Парламенті Мәжілісінің депутаты Вера Ким медициналық мекемеге барып, сапар барысында тапсыру мерзімі бойынша сапа мен ықтимал артта қалу бойынша белгілі бір тәуекелдер анықталды.
Мердігерлердің айтуынша, қазіргі уақытта операция алдындағы залдар жабдықталуда. Үй-жайлардағы электр жұмыстары бөлшектерді нақтылау үшін өндіруші зауытпен алдын ала талқылаудан кейін басталды.
Қазіргі уақытта құрылыс алаңында сегіз маман жұмыс істеуде, оның төртеуі Польшадан. Зауытта нақты өлшемдер бойынша жасалған соңғы гибридті операциялық бөлмеге арналған панельдерді қоспағанда, барлық қажетті материалдар келді. Өрт қалқандарын қаптау жүргізілуде және әртүрлі қабаттарда анықталған ескертулерді жою бойынша жұмыстар жалғасуда.
Мердігерлердің мәлімдемесіне сәйкес, барлық жұмыстар ағымдағы жылдың сәуір айына дейін аяқталуы керек. Алайда, техникалық қадағалау өкілдері мен партиялықтар айтып өткендей, бұл мерзімдерге күмән бар.
– Медициналық мекеменің күрделі жөндеу жұмыстары біздің ерекше бақылауымызда. Біз жұмыстардың барысы мен сапасымен танысу мақсатында объектіге жиі баратын боламыз, – деді Айгүл Мәлікова.
Аманаттықтар 10 күннен кейін қалалық ауруханаға кезекті мониторинг жұмысымен баратын болады.
Торғын ОРАЗАЛЫ