Жақында тілсіз жаудың салдарынан үйі толығымен өртеніп кеткен шарбақтылық көпбалалы отбасына баспана тарту етілді.
Бұған дейін бұқаралық ақпарат құралдарында жарияланғандай, Шарбақты ауданының Галкин ауылында тұратын Сара Құлманова есімді алты баланың анасы үйсіз қалған еді. Оның баспанасы мен дүние-мүлкі күл болып жанып кеткен болатын. Оған облыстық мәслихат депутаты, «AMANAT» партиясының мүшесі Виталий Соломкин көмек қолын созып, зардап шеккен отбасына пәтер сыйлады. Сондай-ақ, халық қалаулысы үйге қажетті барлық тұрмыстық техника мен жиһаздарды да алып берген.
Қиын сәтте жақсылық жасаған қайырымды жанға шарбақтылық ана мен балалары және тұрғындар алғыс білдіріп, осындай жомарт азаматтар көп болса екен деген тілектерін жеткізді.
Н.АҚЫТЕГІ.